गजल : लकडाउनमा

विपुल पोख्रेल

फोन गर्न त मिल्थ्यो लकडाउनमा
मन खोल्न त मिल्थ्यो लकडाउनमा

भेट्न, छुन हुन्न, कोरोनाको कहर छ
बोलिदिए मीठो सुन्न मिल्थ्यो लकडाउनमा

ढोका, झ्याल थुन, जोगिनु छ अहिले
उघार्न त भित्री ढोका मिल्थ्यो लकडाउनमा

बहाना कहाँ हो र ? सन्सारनै बन्द छ
मन खोल्दे हेर्न त मिल्थ्यो लकडाउनमा

चोखो माया, ढुकढुकीले जोडिएको सम्बन्ध यो
‘बाँचि रहेस्’ यत्ति भन्न मिल्थ्यो लकडाउनमा