कविता : प्रकृति
विनित पोख्रेल
हिमाल, पहाड, तराईले सिंङ्ग्रिएकी यिनी ।
बास दिन्छिन् सबैलाई अती उदार बनी ।।
सबै प्राणीकी हुन् यिनी सुरक्षित घर ।
खान, पिन, बस्नलाई यिनकै गछौं भर ।।
जनावर वनस्पती आफ्नै काखमा राख्ने ।
सबैलाई समेटेर स्वच्छ भई बाँच्ने ।।
उद्योग धन्दा, कलकारखाना सबै यिनकै देन ।
यिनलाई हानि पु¥याउन हुन्न कुनै क्षण ।।
प्राकृतिक सम्पदाकी असिमित खानी ।
पूजा गर्छौं हामी यिनलाई ईश्वरजस्तै मानी ।।
सबलाई काखमा अटाउने महान धर्तीमाता ।
तिम्ले गर्दा बाँचेका छौं, तिमी जीवनदाता ।।
आकाश पाताल मेघ वर्षा हुन् यिनकै अङ्ग ।
झरी, गर्मी बसन्तले बन्छौ हामी दङ्ग ।।
यिनलाई आफ्नो ठानी हामी गर्दैछौं घमण्ड ।
धेरै नोक्सान पुग्यो भने यिनले दिन्छिन् दण्ड ।।
कक्षा : १०, रोजी-वड्स स्कुल, लमही
