फाउण्डेशनको अध्यक्षमा योगी

  •   
  •  

दाङ,१५ साउन । तुलसीपुर उपमहानगरपालिका–१७ बेलझुडिस्थित योगी आदित्यनाथ फाउण्डेशनले आइतबार वार्षिक साधारण तथा विशेष अधिवेशन सम्पन्न गरेको छ । सो अवसरमा फाउण्डेशनले पदाधिकारी पुर्नगठन पनि गरेको छ ।

फाउण्डेशनका अध्यक्ष अनिल विष्टको अध्यक्षतामा भएको अधिवशेनमा सोनापुर सिमेन्ट प्रा.लिका प्रमुख हरि पाठकको प्रमुख आतिथ्य तथा प्रा.लि.का महाप्रबन्धक गणेशदत्त भट्टको विशष्टि आतिथ्यतामा सम्पन्न भएको हो ।

बजार, सडक तथा ग्रामीण क्षेत्रमा रहेका छाडा गाई गोरुको व्यवस्थित रुपमा संरक्षण गर्नका लागि जग्गा भाडामा लिएर गौशाला सञ्चालनमा ल्याएको फाउण्डेशनले भरतनाथ योगीको अध्यक्षतामा पदाधिकारी पुर्नगठन गरेको हो ।

जसको उपाध्यक्षमा सागर केसी, सचिवमा विदुरराज गौतम, कोषाध्यक्षमा भूपनेश्वर आचार्य, संरक्षकमा बासुदेव पाण्डे र सदस्यमा सुनिल बस्नेत, भारती नेपाली रहेका छन् । त्यस्तैगरी फाउण्डेशनको सल्लाहकारमा हरि पाठक, खिमबहादुर डाँगी र विरेन्द्र खड्का रहेका छन् भने प्रेस सल्लाहकारमा दामोदर बस्नेत (राकेश) र कानुनी सल्लाहकारमा डिल्लीराज धिताल रहेका छन् ।

फाउण्डेशन हालसम्म २०० बढी गाईगोरुहरु संरक्षणमा रहेका छन् । सडकमा भेटिने अन्य छाडा गाईगोरुलाई पनि क्रमश गाई संरक्षण केन्द्रमा लगेर लालनपालन गरिने सञ्चालक संस्थाले जनाएको छ । योगी आदित्यनाथ फाउण्डेशनका अध्यक्ष भरतनाथ योगीले गाई संरक्षण अभियानलाई क्रमिक रुपमा आयआर्जनसँग पनि जोडेर लैजाने फाउण्डेशनको योजना रहेको बताए ।