गजल

मेघराज नेपाली

आज मेरो जन्मभूमि पीडामा छ ।
छिमेकीले गिद्धे आँखा गाडेको छ ।।

दादागिरि अतिभयो गरिब भन्दै।
दाजुभाइ नेपाली सीमामा छाडेको छ।।

कहिले लड्छ छिमेकीसँग तागत देखाई ।
कुहेको सामान बेच्ने थलो ठानेको छ ।।

जन्मभूमि स्वर्गादपि हामीलाई प्यारो छ ।
दुई करोड नेपाली सेना बन्न तयार हुनुछ ।।

बूढाबूढी, केटाकेटी सहयोगी हुन्छन् ।
नौजवान नेपालीको शरीर तातेको छ।।

अतिभयो तागतको भरमा हेप्दै गरेको ।
अमेरिकाभन्दा सानो क्युवा अझै लडेको छ ।।

मर्नु त यसै पनि छ श्रीलंकाको इतिहास हेर ।
भारतले सधैंभरि उसैसँग मोर्चामा हारेको छ ।।

हे नेपाली युवा हो नेपालको लागि सोच त ।
गोर्खा फौज तिमीले कसको लागि जितेको छ ?

फर्काउ बन्दुक लगाउ निशाना वीर हौ तिमी ।
वैरीले तिम्री आमाको छातिमा पाइला गाडेको छ ।।