दाङ ३(क) बाट प्रदेशसभा सदस्यमा कांग्रेसका डिल्लीबहादुर चौधरी बिजयी

  •   
  •  

घोराही, ८ मंसिर । दाङ निर्वाचन क्षेत्र नं ३ (क) मा नेपाली कांग्रेसका नेता तथा लुम्विनी प्रदेशका ग्रामीण, पर्यटन तथा सहरी विकास मन्त्री डिल्लीबहादुर चौधरी बिजयी हुनुभएको छ ।

गठवन्धनदलका तर्फबाट प्रदेशसभा सदस्यका साझा उम्मेदवार चौधरी गणना भएको कुल ४० हजार ७ सय ८९ मत मध्य १९ हजार ८ सय ५० मत प्राप्त गरी बिजयी हुनुभएको हो । उहाँका निकटम प्रतिस्पर्धी नेकपा एमालेका उम्मेदवार घनश्याम पाण्डेयले १४ हजार ४ सय ५० मत प्राप्त गर्नुभएको छ ।

बिजयी नेपाली कांग्रेसका नेता चौधरीले पाण्डेयलाई ५ हजार ४ सय मतले पराजित गर्दै दोश्रो पटक प्रदेशसभा सदस्यमा निर्वाचित हुनुभएको हो । पराजित पाण्डेय तुलसीपुर उपमहानगरपालिकाका निवर्तमान नगर प्रमुख हुनुहुन्छ ।

२०७४ सालको निर्वाचनमा तत्कालिन नेकपा एमाले र माओवादीविच बनेको गठबन्धनले दाङका ३ प्रतिनिधिसभा सदस्यसहित ८ वटा प्रदेशसभा सदस्य जित्दा कांग्रेसबाट चौधरी मात्रै बिजयी हुनुभएको थियो ।