घोराही सिमेन्टले दियो १७ क्वीन्टल चामल सहितको खाद्यान्न
दाङ चैत २०। कोरोनाका कारण भएको लकडाउनको मारमा कोही पनि नपरुन भनी बनाइएको राहत कोषमा घोराही सिमेण्ट इन्डस्ट्री प्रालिले खाद्यान्न सहयोग उपलब्ध गराएको छ ।
घोराही उपमहानगरपालिका– ४ का वडा अधयक्ष भिमबहादुर सार्की मार्फत उद्योगका विकास शर्माले १७ क्वीन्टल चामल, १ क्वीन्टल दाल र ३४ लिटर तेल उपलब्ध गराएको उद्योग प्रतिनिधि अमर सुवेदीले जानकारी दिएका छन् ।
सुवेदीका अनुसार गरिव, विपन्न र मजदूरका लागि वडा कार्यालय मार्फत सो खाद्यान्न उपलव्ध गराइएको हो । घोराही सिमेण्ट उद्योगले यसअघि बंगलाचुली गाउँपालिकाले स्थापना गरेको खाद्य बैंकमा पनि खाद्यान्न उपलव्ध गराएको थियो ।
