Goraksha

National Daily

अन्धोपन न्यूनिकरणमा नेत्रज्योति संघको महत्वपूर्ण भुमिका

तुलसीपुर, १३ चैत । नेपाल नेत्रज्योति संघले नेपालको आँखा उपचार प्रणालीको विकासमा महत्वपुर्ण भुमिका खेलेको सहभागीहरुले बताएका छन् । ४६ औं नेत्रज्योति दिवस तथा राप्ती आँखा अस्पताल, नेत्रज्योति प्राविधिक शिक्षालयको नवनिर्मित भवन उद्घाटन कार्यक्रम सहभागीहरुले सो कुरा बताएका हुन ।

२०३५ सालमा स्थापना भएको संघले नेपालको आँखा उपचार सेवालाई विश्वमा नै चिनाउन सफल भएको सहभागीहरुको भनाई थियो । नेपाल नेत्रज्योति संघ दाङका उपसभापति रेशमबहादुर खड्काको अध्यक्षता तथा तुलसीपुर उपमहानगरपालिकाका नगरप्रमुख टिकाराम खड्काका प्रमुख आतिथ्यता एव नेपाल नेत्रज्योति संघका केन्द्रिय सदस्य कृष्णकुमार गिरीको विशिष्ट आतिथ्यमा भएको कार्यक्रममा बोल्दै नगरप्रमुख खड्काले नेत्रज्योति संघले नेपालको आँखा उचार सेवाको विकास र विस्तारमा महत्वपुर्ण भुमिका निर्वाह गरेको बताए ।

उनले दाङमा तथा छेमेकी जिल्लामाहरुमा आँखा अस्पताल उपचार केन्द्रहरु मार्फत गुणस्तरीय सेवा दिएको बताए । ‘राप्ती आँखा अस्पतालले अहिले विभिन्न विशिष्टकृत सेवा दिई रहेको छ, जनतालाई घरआगनमै सेवा दिएको छ उनले भने ।’ खड्काले यसको विकास र विस्तारमा आफुहरुले सहयोग गर्ने बताए । ‘यहाँ आँखा सम्वन्धी पढाई पनि भई रहेको छ यसको विकासका लागि हाम्रो क्षेत्रबाट हुने सवै सहयोग हुने छ –नगरप्रमुख खड्काले भने ।’ उनले विगतमा पनि अन्धोपन न्यूनिकरण र अन्य भौतिक निर्माणमा सहयोग र साझेदारी हुदै आएको भन्दै आगामी दिनमा पनि हुने बताए ।
कार्यक्रममा नेपाल नेत्रज्योति संघका केन्द्रिय सदस्य कृष्णकुमार गिरीले जिल्लाका लमही , तलसीपुरमा र कपीलबस्तुमा अस्पताल तथा अन्य स्थानमा उपचार केन्द्रहरु सञ्चालन गरि उपचार सेवा दिएको भन्दै गुणस्तरी सेवा जनताले पाएको बताए । ‘नेपालमा नेत्र ज्योति संघले अन्धोपन न्यूनिकरणमा महत्वपूर्ण भुमिका खेलेको छ, यहाँ पनि आँखाका विरामीहरुले सहज र सुल्भसेवा पाएका छन् –उनले भने ।’

नेपाल नेत्रज्योति संघ विगत ३५ वर्षदेखि सहज, सुलभ र गुणस्तरीय आँँखा स्वास्थ्य सेवाको माध्यमबाट मुलुकमा विद्यमान अन्धोपनको समस्यालाई न्यूनीकरण गर्ने अभियानमा क्रियाशील रहेको उनले बताए । २०३५ साल चैत्र १३ गते एक मुनाफारहित एवम् लोककल्याणकारी गैरसरकारी संस्थाको रुपमा नेपाल नेत्रज्योति संघको स्थापना भई नेपाली जनतालाई सर्वसुलभ मूल्यमा देशभर गुणस्तरिय आँखा उपचार सेवा प्रवाह गरेको उनको भनाई थियो ।

कार्यक्रममा आँखा स्वास्थ्य कार्यक्रम राप्ती तथा बहादुरगञ्जका प्रमुख प्रशासक सम्शेर थापाले नेपाल नेत्रज्योति संघ दाङ अन्तर्गत सञ्चालित आँखा अस्पताल तथा उपचार केन्द्रहरुले स्थापना काल देखि हाल सम्म करिव ३७ लाख विरामीहरुलाई उपचार सेवा दिएको बताए । जस अन्तर्गत २ लाख २८ हजार बढीको मोतियाविन्दुको शल्यक्रिया गरेको बताए । उनले प्रदेश ,स्थानीय सरकार तथा अन्य दातृनिकायहरुको सहयोगबाट विभिन्न साझेदारी कार्यक्रम सञ्चालन भएको भन्दै सहयोगीसवै लाई धन्यवाद दिए ।

नेपाल नेत्रज्योति संघ दाङका सचिव घनश्याम सुवेदीको स्वागत मन्तव्य बाट सुरु भएको कार्यक्रममा कार्यक्रममा नेपाल नेत्रज्योति संघ, लुम्विनी प्रदेशका कोषाध्यक्ष लिला शाह, गढवा गाउँपालिकाका उपाध्यक्ष शारदा कुमारी चौधरी, संघका सहकोषाध्यक्ष प्रणवकुमार खड्का, सदस्य सुरेन्द्रबहादुर खड्का, राप्ती आँखा अस्पतालका मे.सु डा. सन्तोष सुवेदी, एकाडेमिक चिफ डा. सुरेश रसाइलीले शुभकामना व्यक्तगरेका थिए । त्यसै विच दिवसको अवसरमा राप्ती आँखा अस्पताल, नेत्रज्योति प्राविधिक शिक्षालयको नवनिर्मित भवन उद्घाटन गरिएको छ । करिव २४ लाख बढी लागतमा निर्माण भएको भवनको केन्द्रिय सदस्य कृष्णकुमार गिरीको विशेष उपस्थीतिमा नगरप्रमुख खड्काले उद्घाटन गरेका हुन् । भवन निर्माण समितिका संयोजक प्रणवकुमार खड्काले आयव्य र भवन निर्माणको बारेमा जानकारी गराएका थिए ।

कार्यक्रममा तुलसीपुर उपमहानगरपालिका वडा नं. ४ का वडाध्यक्ष तुल्सी थापा मगर, वडा नं. ७ का वडाध्यक्ष रामबहादुर जिसी, नेपाल नेत्रज्योति संघका पदाधिकारी समाजसेविहरुको सहभागीता रहेको थियो । दिवसको अवसरमा राप्ती आँखा अस्पताल तथा लमही आँखा अस्पतालमा विरामीहरुलाई फलफुल समेत वितरण गरिएको थियो ।