सकारात्मक साेंच, रचनात्मक काम : मुख्य सचेतक देवकोटा

  •   
  •  

महिला जेसीज सप्ताह

दाङ,७ कार्तिक । राष्ट्रियसभा मुख्य सचेतक अनिता देवकोटाले महिलाहरुलाइ नेतृत्वमा आउन आह्वान गरेकि छिन् । सहभागिताको सवालमा केहि सन्तोषजनक अवस्था देखिएपनि नेतृत्वको सवालमा भने महिला नेतृत्वको अवस्था अत्यन्तै दयनिय रहेको उनको अभिव्यक्ति थियो ।

यसकालागी महिलाहरु स्वयम नेतृत्व लिनकालागी थप जागरुक र क्रियाशिल हुनुपर्ने पनि उनको सुझाव थियो । त्यसकालागी हरेक महिलाहरुले सकारात्मक सोंच र रचनात्मक काम गर्दै अगाडि बढ्नुपर्ने उनको सुझाव थियो ।

दाङ महिला जेसीजको सप्ताहव्यापी कार्यक्रमको घोराहीमा उद्घाटन गर्दै मुख्य सचेतक देवकोटाले संविधानले राज्यको हरेक तहहरुमा ३३ प्रतिशत महिला सहभागीताको व्यवस्था अनुसार महिलाहरुको प्रतिनिधित्व हुने गरेपनि नेतृत्वदायी भूमिकामा पुग्न नसकेको बताएकी हुन । सहभागिताको संख्या पु¥याएर मात्रै महिलाहरु हरेक क्षेत्रको मुल प्रवाहमा सम्मानजनक सहभागिता जनाउन नसक्ने भन्दै अव त्यसलाई चिरेर महिलाहरु नेतृत्वका लागि तयार हुनुपर्ने समेत उनको अभिव्यक्ति थियो ।

‘कानुनी रुपमा महिला सहभागीता हुनुपर्ने व्यस्थाका कारण महिलाहरुको प्रतनिधित्व हुने गरेको छ, तर नेतृत्वमा महिला सहभागीता बढ्न सकेको छैन’,मुख्य सचेतक देवकोटाले भनिन्,‘नेतृत्वदायी भूमिका महिला सहभागीता बढाउनकालागि महिलाहरु बौद्धिक तथा क्षमताका हिसावले तयार हुनुपर्छ ।’

सोहि कार्यक्रममा मुख्य सचेतक देवकोटाले समानताका कुराहरु उठिरहदा महिलाहरुमाथि विभिन्न खाले विभेदका घट्नाहरु भैरहेको भन्दै त्यसका विरुद्ध सचेतना आवश्यक रहेको बताइन । ‘समानताका कुरा उठिरहदा घरभित्र आफन्तबाटै महिलाहरुले दुख पाउने तथा पीडित बन्नुपर्ने अवस्था छ, यो गलत हो’,उनले भनिन्,‘त्यसका लागि महिलालाई हेर्ने समाजको दृष्टिकोणमा परिवर्तन आउन आवश्यक छ ।’

उनले त्यसका लागि निर्माण गरेको कानुनलाई कार्यान्वयन गर्दै आवश्यक नयाँ कानुनहरु निर्माण गर्नुपर्ने समेत बताइन । महिलाहरुलाइ राजनितिको मुल प्रवाहमा ल्याउंदै उनीहरुलाइ नेतृत्वदायि भुमिकामा पु¥याउनकालागी कानुन निर्माणमा समेत वकालत गर्न विभिन्न संस्थागत पहलहरु हुनुपर्ने पनि प्रमुख अतिथि समेत रहेकि देवकोटाको आग्रह थियो ।

त्यसैगरी देवकाटोले राजनीतिक नेतृत्वको अक्रमन्यताले गर्दा संसदीय व्यवस्था नै संक्रमणमा रहेको बताइन । राजनीतिक स्थायीत्वका लागि आन्दोलन भएको र त्यसले नयाँ पुस्तालाई पुन ः आन्दोलन गर्नुपर्ने अवस्था आउन नदिनुपर्ने समयमा दलहरुको नेतृत्वका कारण प्राप्त उपलव्ध गुम्ने खतरा रहेको पनि मुख्य सचेतक देवकोटाको बुझाइ थियो । ‘अहिलेको राजनीतिक तरलताका कारण हाम्रो संसदीय व्यवस्था के हुने हो भन्ने अवस्था छ’,उनले भनिन्,‘यसको मुख्य जिम्मेवार हाम्रा राजनीतिक नेतृत्वहरु हुन ।

जसले प्राप्त उपलव्धी सस्थागत गर्दै समृद्ध देश निर्माण गर्नुपर्ने अवस्थामा अस्थीरता सिर्जना गरेका छन् ।’ उनले राजनीतिक अस्थीरताकाविच समृद्ध नेपाल निर्माणका लागि सचेत युवाहरुले दवाव दिनुपर्ने समेत बताइन् । त्यसका लागि सकारात्मक सोचका साथ रचनात्मक काम गर्न जेसीज अघि बढ्नुपर्ने बताइन् ।

उनले महिला जेसीज युवाहरुको सस्था भएको भन्दै यसलाई समाजको ऐनाका रुपमा लिन सकिने समेत बताइन । युवाहरुको नेतृत्व र व्यक्तित्व विकासका माध्यमबाट समाज विकासको मुल अभियानमा हिडेपछि लक्ष्य प्राप्त गर्न सकिने उनको भनाई थियो । उनले महिलाहरु विकास निर्माणका काममा समेत सहभागी बन्नुपर्ने बताइन ।

कार्यक्रममा बोल्दै घोराही उपमहानगरपालिका नगर प्रमुख नरुलाल चौधरीले सक्षम भूमिका निर्वाह गर्न सक्ने महिला उत्पादनमा जेसीजले महत्वपूर्ण भुमिका खेल्न सक्ने बताए । अहिले सहभागिताका लागि मात्र महिलाहरुको सहभागीता रहेको भन्दै उनले आफ्नो नेतृत्व र क्षमता बिकाससंगै समाजको बिकासका लागि नेतृत्व गर्न सक्ने महिला आवश्यक रहेको बताए । त्यसका लागि महिला जेसीजले भूमिका खेल्न सक्ने बताए ।

साथै उनले सामाजिक परिवर्तन,बिकृती बिसंगतीका बिरुद्धमा आवाज उठाउँदै आएको सस्था जेसीज रहेको भन्दै उनले आगामी दिनमा कार्यक्रमलाई थप प्रभावकारी रुपमा अघि बढाउन आग्रह गरेका थिए ।कार्यक्रममा बोल्ने बक्ताहरुले महिलाहरुको नेतृत्व र क्षमतासंगै चेतना विकाससँगै महिलाहरुलाई नेतृत्वदायी भूमिका पु¥याउने गरि काम गर्न आग्रह गरेका थिए । त्यसकालागि जेसीजलाई सहयोग गर्न समेत तयार रहेको सहभागीहरुले बताएका थिए ।

कार्यक्रममा नेपाली कांग्रेस दाङका कोषाध्यक्ष साबित्रा राना, राष्ट्रिय जनमोर्चा दाङका अध्यक्ष गणेश आचार्य, प्रेस काउन्सिल नेपालका सदस्य शरद अधिकारी, दाङ महिला जेसीजका निवर्तमान अध्यक्ष जीवा भुसाल, नेपाल राष्ट्रिय जेसीजका पूर्व कार्यकारिणी उपाध्यक्ष एवं २०२२ का अध्यक्षका उम्मेदवार लालमणि भण्डारी, घोराही नगर जेसीजका अध्यक्ष मुकेश्वर शर्मा, तुलसीपुर नगर जेसीजका अध्यक्ष नेत्रलाल भट्टराई, दाङ महिला जेसीजका पूर्व अध्यक्ष बिना बिसी, दाङ जिल्ला उद्योग बाणिज्य संघका अध्यक्ष टंकसिंह बुढाथोकी, घोराही चेम्बर अफ कमर्शका अध्यक्ष बलदेव योगी, नेपाल परिवार नियोजन दाङ शाखा पूर्व अध्यक्ष निर्मला गौतम रेग्मी, नेपाल पत्रकार महासघ दाङ शाखा उपाध्यक्ष बसुन्धरा गौतम, अधिकारकर्मी सुष्मा लामिछाने गिरी, नेपाल बाल संगठन दाङका अध्यक्ष बिनोद केसी,नेपाल महिला संघका पुष्पा श्रेष्ठ, महिला मानवअधिकार रक्षकहरुको सन्जाल दाङका अध्यक्ष हुमा डिसीलगायतले शुभकामना मन्तब्य व्यक्त गरेका थिए ।

त्यस अवसरमा सप्ताहव्यापी कार्यक्रमको बारेमा मुल समिति संयोजक जुनुकुमारी बुढाले जानकारी गराएकी थिइन । उनका अनुसार महिला जेसीजले सप्ताहव्यापी कार्यक्रम अन्तर्गत रक्तदान कार्यक्रम, चुरा बनाउने तालिम, लागुऔषध दुव्र्यसनी विरुद्ध सचेतना कार्यक्रम,असल छुवाइ र गलत छुवाई सम्बन्धि सचेतनालगायतका कार्यक्रमहरु गर्न थालेको छ ।

कार्यक्रममा जेसीज आस्था पाठ रोजिना गिरीले गराएकी थिइन । सहभागीलाई दाङ महिला जेसीजकी कार्यकारिणी उपाध्यक्ष संगीता गिरीले धन्यवाद दिएकी थिइन । कार्यक्रम संयोजक तथा उपाध्यक्ष दिलु मल्लको स्वागत मन्तव्यबाट सुरु भएको कार्यक्रमको सहजीकरण महासचिव सुनिता थापाले गरेकी थिइन ।